2018: New year latest hair styles for girls (In hindi) | Family Earth

2018: New year latest hair styles for girls (In hindi)

Hii friends:  Ab se kuch hi dino baad naya saal aane wala hai. Jo apne sath kai tarah ke fashion aur styles leker ayega. Baalo se leker kapde tak ke fashion ka intzaar sabhi logo ko hota hai. Her koi stylist dikhna chahta hai. Specially girls apne baalo aur kapde ko leker jayada alert rahti hai. Saal khatam hote-hote sab ke man mein ye sawal aa jata hai ki aane wala saal kis tarah ke fashion leker ayega. Aap ke iss sawal ka solution leker aaj ki post mein aaye hai. Baalo ke liye her saal kuch naya hi aata hai, Aiye dekhe iss saal ki hair style mein kya khass hai. Aap iss hair styles ko apnaker new year mein stylish bane rahe.

Whole curls hair with open hairstyleWhole curls hair with open hairstyle

Ager aapke baal medium length mein hai to yah style aapke baalo ke liye best hai. Aap kam time mein hi yah hair style bana sakti hai, sath hi party ke liye ready bhi ho sakti hai. Iske liye aap apne baalo ko two part mein divide ker le. Baalo ke nichle bhag per jyada curl kare. Ager aapke baal natural curly hai to aapko jyada preshan hone ki jaroorat nahi hai. Aur baal  straight hai to aap curl kerke iss hair style ko azma sakti hai.

Messy side bun hair style

Messy side bun hair style

Aap new year ki party ke liye ready ho rahi hai aur aapke pass time bahut kam hai aur stylist bhi dikhna chahti hai to messy hair style ko apna sakti hai. Iss hair style mein baalo ko ek side se badhte hue baalo ko do bhago mein alag karte hai. Iss hair style mein aage mathe ki taraf do fringe khule hue ek side latakte rahte hai. Aur pichhe ke baalo mein ek taraf bun banate hai. Iss style ko kisi bhi tarah ki dress per use ker sakti hai. Yah style aapko party look dega.

Side bow with open hairstyle

Side bow with open hairstyle

Ager aapke baal long and straight hai to aap unhe khula bhi rakh sakti hai. New year ki party ke liye yah style ek perfect look hai, aap apne lambe baalo mein comb ker ke pichhe ki aor khula chhodein. Iske baad aap ek side ke baalo ko usi taraf bow ki tarah pinup karein. Yah aapko casual look dene mein help karega. New year ki party mein aap asani se iss hair style ko bana sakti hai.

High braid with back brush hair style

High braid with back brush hair style

Ager aap apne long hair ko bandha hua look dena chahti hai to ye hair style aap ke liye hai. Iske liye aapko jyada mehnat karne ki jaroorat nahi hai. Pahle aap apne baalo ko kanghi se suljha lijiye phir baalo ko uper ki taraf le jate hue pony bandhe aur guthte hue niche tak le jaye. Yah high pony aapko attractive look degi. Yah style aap Ethnic aur Western kapdo ke sath asani se use ker sakti hai.

Simple open hairstyle

Simple open hairstyle

 

Yah bahut hi simple hair style hai. Yah hairstyle aapko natural look degi. Aur sath hi aapki personality ko attractive banati hai. Is style mein baalo ko khule ker ke dono side baalo ko batne ki jaroorat padti hai. Aapke baal kisi bhi length ke ho achhe lagege. Lambe baalo ko suljha ke rakhe. Sath hi ye style sabhi tarah ke dress per achhe lagege. 2018 mein yah style apnaker apna style statement de sakti hai.

Multiple layer hairstyle

Multiple layer hairstyle

Layer hair style hamesha fashion mein rahti hai. Iss look ko apnaker new year mein khoobsurat nazar aa sakti hai. Baalo per multiple layer aapko shandaar look dega. Layer ke sath baalo ko high light bhi ker sakti hai. Aur iss style se aap celebrity look pa sakti hai.

Decorative high bun hair style

Decorative high bun hair style

Yah bahut hi beautiful aur attractive hairstyle hai. Iss style ko apnaker party mein aap styles look pa sakti hai. Iske liye aap apne baalo mein apni pasand ka jura banaye. Jure mein fancy ya designer accessories ka use ker sakti hai. Jure ke sath aap koi bhi dress try ker sakti hai. 

Simple puff hair style

Simple puff hair style

Stylist hairstyle ke liye puff asan tarika hai. Attractive look pane ke liye apne baalo ko different type ke look de sakti hai. Aap apne baalo ki lato mein choti bhi bana sakti hai. Baalo ko uper ki aor puff banaye aur pinup kare aur pichhe ke baalo ko bandh ker ya khula bhi chhod sakti hai. New year ke liye sabse best hair style idea hai.

Side swept shaped hair style

Side swept shaped hair style

New year ke liye yah style khass mani jati rahi hai. Side swept shaped hairstyle aapko attractive look dege. Baalo ko curly kare aur khule rahne de, phir unhe suljha ker ek side kare. Kandhe per aapke baal ek side latkte hue dikhne chahiye. Iske sath badi earing aur party wear dress pahne.

Aap bhi iss tarah ki hair style apnaker new year ko khass bana sakti hai. Aapko hamara new year hairstyles collection kaisa laga, aur sath hi iss post se related sujhav ho, to aap humein comment mein bataein. Iss post ko aur bhi jyada aage badhane ke liye hamari networking sites jaise Facebook, twitter, google+ per share ker sakte hai. Iss tarah ke new collection ke liye familyearth.in padhtein rahein.

Wish you all Happy New Year…

Thank you…..

Leave a Reply

Your email address will not be published. Required fields are marked *