Beetroot (chukandar) juice benefits | Family Earth

Beetroot (chukandar) juice benefits

Beetroot (chukandar) juice benefits

Benefits of drinking beetroot juice daily:

Thande mausam mein chukandar swasth aur sundarta ke liye bahut hi labhkari hai. Bhartiya bhojan ki thali mein chukandar ka upyog kafi prachlit hai. Yah gahare lal aur bagni color ka hota hai. Iska daily use karne se shareer mein aayi khoon ki kami ko pura karta hai. Chukandar mein Iron ke sath – sath bharpoor vitamins A, B, B1, B2, B6, aur vitamin C paye jate hai. Kuch log kahte hai ki chukandar mein iron ki matra jyada nahi hoti hai, lekin iss mein jo bhi iron paya jata hai, wah uchch gurwatta ka hota hai jo hamare shareer mein hui blood ki kami ko poori karta hai. Yahi wazah hai ki chukandar ka sevan shareer ke anek haanikarak tatva ko bahar nikalne mein madad karta hai.

Beetroot leaves benefits:

Beetroot (Chukandar) se ek aur faide hai, chukandar ke kand ke alava inki pattiyon ka sevan bhi behad labhkari hota hai. Inki pattiyon mein chukandar ki tulna mein jyada iron paya jata hai. Pattiyon mein viamin A bhi bharpoor matra mein paya jata hai. Kand wa iski pattiya blood banane ke liye haanikarak tatva ko bahar nikalne aur cleanser ke roop mein karya karte hai. Chukandar mein potassium, sodium, calcium, Manganese, aur reshe ki matra Beetroot leaves benefits:bharpoor payi jati hai. Pachan yogya sarkra ke karan chukandar ka sevan energy bhi deta hai.

Baalo ke liye bhi chukandar ki pattiya bahut labhkari hai. Chukandar ki pattiyon ko mehandi ke sath milaker paste bana lijiye. Iss paste ko niyamit roop se baalo mein lagaye, isse baal jhadna band ho jayege. Iske alava chukandar ke patte ko haldi powder mein milaker scalp mein lagane se bhi baalo ka tootne ki problem se chhutkara milega.

Aisa mana jata hai ki chukandar ka lal rang iron ke karan hota hai. Chukandar ka lal rang iss mein paye jane wale beta saynin  ke karan hota hai. Anti oxident ke karan ye health ke liye achhe mane jate hai.

Chukandar mein paye jane wale folic acid, potassium, aur mulayam reshe paustik  guno ko badhate hai. Chukandar ka juice daily peene se shareer swasth rahta hai. Sath hi yah chehre ki khoobsurati banaye rakhta hai. Isse Hemoglobin badhta hai, jisse chehre ki lalima bani rahti hai.

Aap bhi thand mein chukander juice ka daily upyog karke apne aap ko healthy bana sakte hai, sath hi yah aapke skin ke liye bhi bahut hi effective hai. Asha karte hai ki aapko yah post pasand aayi hogi. Aap ke man mein koi sawal ya sujhav ho to aap humein comment mein bataye.  Aur Iss tarah ki latest update aap facebook ke page familyearth.in per padh sakte hai. Ager aapko yah post achhi lagi ho to like aur share karna na bhule. Sath hi aap humein facebook aur twitter follow bhi ker sakte hai. Dhanyawaad…..

 

Leave a Reply

Your email address will not be published. Required fields are marked *