Blush Makeup Tips In Hindi | Family Earth

Blush Makeup Tips In Hindi

Blush Makeup Tips In HindiMakeup karne se face ko sahi aakar milta hai. Makeup karne ka main reason chehre ki kamiyo ko chhupana hota hai. Ager aapki skin black aur dry ho to makeup kerke skin ko nikhra hua bana sakte hai. Ankhein chhoti ho to makeup kerke aankho ko attractive look diya ja sakta hai.

Blush chehre per lagaya jata hai. Blush makeup se face ko perfect look diya ja sakta hai. Hamesha achhi company ka blush use karna chahiye, jisse aapke chehre per koi side effect na ho. Blusing ke liye jaroori hai ki aap niche diye gaye rule ko follow kare-

Blush makeup of tips & tricks

  • Blush lagane wale brush ko hamesha clean rakhe, nahi to blush mein jame hue kitadu aapke face tak pahuch sakte hai.
  • Apni sundrta nikharne ke liye galo ke uper wale bhag per ankho ke pass chamkila blush lagaye
  • Blush ka powder lagate time brush ko ek hi disha mein lagaye, ager brush ko gole tarike se ghumayege to brush ko bhi haani pahuchegi.
  • Blush ka jell lagate time galo ki haddi se shuru kerke mathe ki aor lagaye.
  • Gahre gulabi color ka blush thake hue chehre ko taja bana sakta hai.
  • Jyada gahre color ke blush mein thoda concealer milaker uska color halka kiya ja sakta hai.
  • Sabse pahle foundation, ankho ka makeup, aur lipsistic lagane ke baad hi blush lagaye.
  • Chehre ke kis bhag per blush lagana hai vo aapke chehre ke uper depend hota hai.
  • Galo ki haddi per bluser na lagaye jisse aapki ankh fuli hui dekhegi.
  • Ager din mein blush ka color natural color se gahra dikhe to us per makeup laga ke use ujla banaye.

Tips and tricks to apply blush

Kai baar aisa hota hai ki aap achhi company ka blush le to leti hai lekin aapko blush lagane ke tarike nahi malum hai to wah aapki sundarta ko kharab ker sakta hai. Aapko pata hona chahiye ki blush kaise use kare ki aapke chehre ko natural look dega. Chehre per blush lagane ke tarike niche diye gaye hai unhe follow kare-

Choice of colore

Sabse pahle sahi color ka chunav jaroori hai. Color aisa hona chahiye jo aake face ke color per match kare. Blush ke color ko check karne ke liye hanth per thoda blush lagaker color ka chunav ker sakti hai. Ager aapki skin gori ho to halke gulabi, hare color ko choose ker sakti hai. Gahre skin color ke liye red color choose ker sakti hai.

Type of blush

Aapki skin ke liye sahi color ke chunav ke baad blush ko sahi tarike se lagana bhi jaroori hai. Aapki skin oily ho to powder ke roop mein blush lagaye. Ager skin dry ho to cream ke roop mein blush lagaye. Blush lagane ke baad twacha ke nami ka level bana rahta hai.

Final step of makeup

Blush ko starting mein kabhi na lagaye. Pahle foundation lagaye, phir ankhon ka makeup kare, lipstick lagane ke baad blush lagaye. Koi makeup specialist ho aapke chehre ko naturally look dena chahe to wah foundation se pahle hi blush lagata hai. Ager aap makeup specialist na ho to aisa na kare kyu ki aisa karne ke liye bahut practice ki jaroorat hoti hai.

Alag – alag face ke liye alag – alag blush lagane ka tarika istmal kiya jata hai.

How to blush square face? Galo ke khokhle bhag aur ankhon ke bahari bhag per blush ka use kare. Mathe tak blush use karne se bache. Apne kano ke nichale bhag ki aor golakar trikon ko achhe se ubhar le. Aap is baat per vichar kare ki aap kitna tikona banana chahti hai ya nahi. Aap galo per ek naram rekha khiche taki blush aapke gal ke upari bhag per hi lage aur halki dikhe. Ager aap niche le jate hai to yah niche ki rekha ko ubharti hai.

How to blush round face? Round face mein blush ka use galo ki haddiyo ke uper kare. Ankhon ki putali ke niche se shuru karke mathe tak le jaye. Iska use niche se uper ki aor kare aur galo mein thoda ragad ker blush ko mix kare. Ab ek trikon banaye jo aapke nak ki taraf ishara kare, jo aapki raunk ko badhata hai.

How to blush heart face? Dil ke aakar ka chehra sabse achha mana jata. Aur is per blushing bhi bade pyar se hoti hai. Is tarah ke face ka upari bhag nichale bhag se bhari hota hai. Ager aap apne galo ko ubharna chahti hai to, galo ke upari bhag per blush ka use ker sakti hai. Galo ke khokhle bhag per aur galo ke ubhre hue bhag ke niche achhe se mix ker le.

How to blush an oval face? Oval face per galo ki haddiyo aur ankhon ke bahari bhag per blush use ker sakte hai. Aur bhool ker bhi mathe ki aor blushing na kare. Is tarah ke face per ankhon per jyada mehnat nahi karni padti hai. Kyuki ankhein is tarah ke chehre ki khubi hoti hai. Chehre ke nichle bhag per blush ka use bilkul bhi na kare, nahi to jabada bhari dikh sakta hai.   

Aapko hamara blushing makeup article kaisa laga, aur isse related koi shujhav ho to aap humein comment mein jaroor batayein. Iss blog ko aur jyada share karne ke liye isse social networking sites jaise, Facebook, twitter, aur google+ per share karna na bhule. Thank you…

Leave a Reply

Your email address will not be published. Required fields are marked *