Chat papadi tips in hindi | Family Earth

Chat papadi tips in hindi

Aapke taste ko badhane ke liye chat papadi ek perfect jayaka hai. Aaj kal log is ko jyada pasand karte hai. Yah bahut hi tasty aur delicious hota hai. Aiye hum aap ko batate hai, ki kaise ye tasty chat papadi simple tarike se banaya jaye. Chat papadi in hindi tips mein.

Chat papadi tips in hindi

Important Samagri

Papadi ke liye

  • Maida-1 cup.
  • Oil 3 table spoon.
  • jeera 1/4 chhota spoon.
  • Namak 1/4 chhota spoon.
  • Tel talne ke liye.
  • Moong ki dal 1/2 cup(pakodiyo ke liye)

Chat banane ke liye

  • Fresh dahi 1 cup.
  • Kala namak 1/4 chhota spoon.
  • Chini 1 chhoti spoon.
  • Mithi chatni.
  • Hari dhaniya ki chatni.
  • Anar ke dane.

Chat banane ki vidhi

Dal ko 2 ghante paani mein bhigo de, phir us mein se aur paani nikal dijiye aur ise dardra pees lijiye. Maida tite gunthe Bade pyale mein maida lijiye is mein namak jeera aur tel daal ker mix ker lijiye. Aur is mein thoda-thoda paani daal ker gunthe puri ke aate ki tarah. Itna aata gunthne mein 1/4 cup se bhi kam paani lagta hai. Gunthe hue aate ko 15-20 minute tak dhak ker rakh de.

Pakodiya banane ki vidhi

Peesi hui moong ki daal ko 3 -4 minute tak fet le, taki yah achhe se fool jaye, aur kadhahi mein tel garam hone ke liye rakh de. Tel garam hote hi chhote tukade gole ker ke kadhahi mein talne ke liye daale, aur golden brown hone ke baad is ko nikal le. Baki pakodi ko bhi isi tarah tal le.

Pakodiya paani mein bhigoye

Ek pyaali mein 3 cup paani le, aur ek chhoti chammach namak daal ker mila dijiye. Is paani mein tali hui pakodiya dal dijiye. Aur 15-20 minute tak paani me bhigoye rahe. Taki yeh fool jaye.

Papadi banaye

Aate ko khub masal lijiye aur aate ko do bhago mein baat le. Aur is mein se ek bhag ko utha le aur prathe se bhi halka mota bana le. Ab ek bottel ke dhakkan ko le us dhakkan ko bele hue prathe mein jagah-jagah rakh ker gol shape mein kat ker papadiya taiyar ker le aur katne ke bad gol seet me jo atta bacha ho use hata le. Papadiya halki moti ho to inhe bail ker thoda sa patla ker le phir in mein dono tarf fork se 4-6 goche laga de. Aur isi tarah sabhi papadiyo ko bana le.

Papadiyo ko tale

kadhahi me madhyam garam tel me papadiyo ko talne ke liye dal de. Gass ko slow rakhe. niche ki side pak jane per papadiyo ko palat de, aur inhe golden brown hone ke bad plate me nikal le.

Chat banane ki vidhi

Dahi me namak aur chini dalker mix ker le. Chat papadi serve kerne ke liye plate me 3-4 moogdal ki pakodiya mein se pani nichodker rakhiye. Sath hi 2 papadi todker dal dijiye inke upar 5-6 chhoti chamach dahi, 1 spoon mithi chatni, 1 spoon hari chatni dal dijiye aur thodi-thodi matra mein masale-lalmirch power, chat masala, jeera powder, namak aur anardane aur jara sa bhuna jeera powder, namak aur mithi chatni aur dal de. Ab aapki chat papadi taiyar hai, chatpati chat papadi serve kijiye.

Suggestion

  • Pakodiyo ko jyada der tak na tale.
  • Pakodiyo ko urad ki dal aur moog ki dal mix ker ke bhi bana sakte hai.
  • Papadi ko bada sa bail ker katne ke bajay atte se chhoti chhoti loyiya todker va bail ker bhi papadi bana sakte hai.

Ager aap ko hamari yah recipe pasand aayi ho to, apne sawal ya sujhav ke liye comments kerna na bhule.

Leave a Reply

Your email address will not be published. Required fields are marked *