Fresh Nimbu Shikanji | Family Earth

Fresh Nimbu Shikanji

Nimbu Shikanji

Nimbu Shikanji ka garmi me seven karne se aap khud ko fresh mahsoos karenge. Yah refreshment ka best option hai. Aaiye hum aap ko tasty nimbu shikanji banane ka tarika batate hai.

Samagri

  • 1-nimbu.
  • 2 glass paani.
  • 1 spoon- bhuna hua jeera.
  • Kala namak (sendha namak).
  • Swadanusar chini.
  • Some ice pieces.

Garnishing ke liye – Pudine ki patti.

Vidhi

Ek katore ya jug me 2 glass paani le. Nimbu ko chaku se do tukade mein kaat le. Ab paani mein nimbu ka ras  nichhod le. Phir nimbu paani mein bhuna hua  jeera powder dalein, kala namak aur chini milaker ek chamach se chalaye. Chini ke ghulne tak chamach se nimbu paani chalate rahe. Ek chalni se aap nimbu paani ko chhan ker glass mein dalein. Shikanji mein ice ke pieces dalien aur garnishing ke liye uper se pudine ki patti dalein.

Note-Thande paani mein chini der se ghulegi isiliye chini ka ghol aap pahle hi taiyar ker le. Ya phir mixer mein chini pees le aap peesi hui chini ko use mein la sakti hai.

Aap bhi summer season mein khud ko fresh rakhna chahte hai to, nimbu shikanji aapke freshness ko banaye rakhegi. Aap garmi mein nimbu shikanji ka use kerein cool aur fress rahe. Ummid hai ki  fresh nimbu shikanji   summer drink aapko pasand aayega, isse related koi bhi sujhav aapke pass ho to hame comment kerke bataye.  Dhanyawad…..

Leave a Reply

Your email address will not be published. Required fields are marked *