Gud til chikki recipe in hindi | Family Earth

Gud til chikki recipe in hindi

Gud til chikki recipe in hindi

Kuch hi dino mein maker sankranti (Lohari) aane wali hai. Har tyohar ka apna alag mahtva hota hai. Lohari mein log kuch khass dishes ka anand uthate hai, jo hamare pidhi der pidhi se chali aa rahi hai. Winter season mein in sabhi chijo ko banaker khane ka maza hi alag hai. To aiye hum jante hai ki gud til chikki kaise banate hai..

Yah badhiya, paushtik mithi til chikki hai. Jo dopahar snacks time dish hai. ye ghar per kaise banaye aiye jante hai.

Samagri:

  • Til 1/2 cup.
  • Gud kasa hua – 1/4 cup.
  • Badam kate hue- 1/2 cup.
  • Ghee – 1 spoon.
  • Thoda ghee chiknai ke liye.

Gud til chikki banane ki vidhi:

Til ko kam anch mein halka bhura hone tak bhun le. Phir anch se utarker ek taraf thanda hone ke liye rakh de, aur issi tarah kate hue badam ko bhi bhun le. Ek samtal plate ke ulti taraf thoda sa ghee leker chikna ker le aur ek taraf rakh de. Ab ek bartan mein ghee garam kare aur garam hone ke baad usme gud dal de. Aur dheemi anch per gud pighla le aur achhe se paka le, taki iss mishran mein thoda paani dalein to yah gol shape le le. Gud achhe se pighal jaye to is mein til aur badam dalker achhe se mila de. Aur phir chiknai wali plate mein pighle hue gud ke bane mishran dalein. Phir bhari chiknai wali belan se achhi tarah faila de. Kuch der baad jab mishran thoda thanda ho jaye to isse chaukor (foursquare) mein kat le. Ab aapki gud til chikki ready hai.

Umeed karte hai ki aapko yah dish jarooor pasand aayi hogi. Iss lohari season gud til chikki ko banaye aur apni family ke sath enjoy karein. Sath hi familyearth.in ki latest update facebook ke page per bhi milegi. Iss post se jude sawalo ke liye aap humein comment jaroor karein, sath hi aap humein facebook twitter per bhi follow ker sakti hai. Ager aapko yah post achhi lagi ho to please like aur share karna na bhule. Thank you…. 

Leave a Reply

Your email address will not be published. Required fields are marked *