How to get strong & long nails (In hindi) | Family Earth

How to get strong & long nails (In hindi)

How to get strong & long nails (In hindi) Nails long & strong tips in hindi : Nails lambe rakhna sabko achha lagta hai. Aur ye aapki personality ko bhi develop karta hai. Isiliye humein apne nakhun ki sundrta ka khyal rakhna chahiye. Aapki sundrta ko badhane mein nails kafi important hai. Log apne nails ko kai khoobsurat color se paint karte hai. Aaj kal to nail arts bhi bahut famous ho gaya hai. Aap nails mein kai tarah ke designs bana sakte hai. Iske liye sabse main cheez nails ka bhi khoobsurat hona jaroori hai. Ager nails achhe nahi hai to usper kisi bhi type ke designs achhe nahi lagenge. Isliye nails ka sundar hona jaroori hai.

Iske sath hi nails ko healthy bhi rakhna important hai. kyuki aajkal ke fashion ke hisab se jis color ke kpade rahte hai usi color mein apne nail ko paint karti hai. Akser gharelu kam mein mahilaon ke nails toot jate hai aur kamjor ho jate hai. Hum aapko aaj ke iss post mein kuch nails tips denge jinhe aap folllow kerke nails ko healthy aur shiny bana sakti hai, aur nails attractive bhi dikhege. .

Nail polish ko jyada dino tak nails per na rakhein

Ager aap apne nails ko healthy banana chahte hai to nail polish ko  jyada dino tak nails per na rahne de nahi to wah nails ke liye haanikark hai. Isiliye use jald hi achhe thinner se remove ker dena chahiye. Iska reason yah hai ki nail polish chemical se banti hai. Ager aap bahar jati hai to nail polish laga le lekin 2-3 dino ke ander remove ker de.

Nails ki malish bhi important hai

Nails massage is very important. Jisse nails healthy & soft bane rahege. Ager aapke nails jaldi – jaldi toot jate hai ya kamjor hai to iske liye coconut oil se daily massage jaroor kare. Aisa karne se aapke nails soft & shiny dikhege. Coconut oil ke alawa aur bhi moisturizer, cream ya nail cream se massage ker sakti hai. Aap achhe result ke liye oilve oil mein nimbu ke ras ki 2-3 boonde milaker hafte mein 2-3 baar massage ker le. Jisse aapko jald hi achha result milega..

Nails ke liye Vitamin E

Vitamin E ka use skin aur baalo ke liye achha hota hai inke sath hi aapke nails ke liye bhi faidemand hai. Aap chahe to vitamin E ki kuch boond ko leker nails ki malish kiya kare. Best result ke liye vitamin E ki boond ki nails per malish karne ke baad manicure handgloves pahne jisse vitamin jyada der tak aapke nails mein chipka rahe.

Nails ke liye nimbu ka use

Nimbu ka use khane mein karte hai aur baalo ke liye bhi bahut useful hai. Kya aap jante hai ? nimbu ka use nails ko strong banane mein bhi karte hai. Aap nimbu ko nichod ker kha le aur uske chhilke ko nakhunon ke uper ragde.Iske alawa nimbu ka use-  Halke garam paani mein nimbu ko nichod le aur us paani mein apne nails ko 5- 10 minute tak dalker rakhein, aur phir nails ko bahar nikale, saaf paani aur suti kapade se saaf kare. Isse aapke nails mein jami hui gandgi bahar nikal jayegi. Aur aapke nails white aur soft ho jayege.

Calcium aur protein wale food le

Ager aap calcium aur protein food lege to aapke nails ke liye achha hoga. Aur aap sahi se calcium ki matra le rahi hai to aapke nails achhe honge. Kyuki nails ka base calcium hi hota hai.

Nails ki safai ka dhyan rakhein

Nails ke bagal wale part ko cuticles kahte hai. Healthy nails ke liye cuticles ka saaf karna jaroori hai. Ager cuticles gande hote hai to nails ko kamjor bana denge. Isiliye cuticles ko hafte mein ek baar saaf jaroor kare. Aap inhe saaf karne ke liye nimbu ka use ker sakte hai.

Nails ko cut karna bhi jaroori hai

Routine work mein hath ka use jyada rhta hai. Isiliye hamare hath jaldi gande hote hai. Nails jitne bade honge utne hi jaldi gande aur kamjor bhi hote hai. Isilye nails limit  mein lambe hone chahiye. Daily nails ko ander aur bahar safai karni chahiye.

Manicure aur padicureManicure aur padicure

Nails ko saaf sunder banane ke liye manicure and pedicure karna jaroori hai. Aisa karne se nails saaf aur sunder bane rahege. Aap month mein 2 baar manicure and pedicure jaroor ker le.

Aap hamare iss tips ko follow kerke aap bhi apne nails ko beautiful bana sakti hai. Aur vaise bhi nails mein jami gandgi kai type ki bimariyo ka karan banti hai isiliye hamare nails saaf suthare hone chahiye, to vo dikhne mein bhi achhe lagege. Umeed hai aapko ye post pasand aayi hogi. Aur aapko iss post se judi koi bhi sikayat ya sujhav ho to comment box mein jaroor batayein. Aur hamari social networking sites jaise – Facebook, twitter, google+ per share karna na bhule. Thank you…..  

 

 

   

Leave a Reply

Your email address will not be published. Required fields are marked *