How to make facial at home in hindi | Family Earth

How to make facial at home in hindi

How to make facial at home in hindiFacial ek aisa utpaad hai, jisse turant swasth aur komal twacha paane ka asan tarika hota hai. Facial ke fayde yah hote hai, ki yah mask poore chehre ki twacha ko cover ker usme mauzood tatvo ko twacha ke ander tak pahuchata hai. Yah twacha mein chhipi gandgi ko bahar nikal ker mrit twacha (dead skin) ko hatane mein madad karta hai. Aiye jante hai how to make facial at home in Hindi….

 Aap chahe to market se facial pack khareed ker  upyog ker sakti hai, ya phir ghar per facial banane aur facial karne ka tarika janker asani se bina kisi side effect ke kam kharche mein hi apni suvidha anusar ker sakti hai. Beshak ghar ke bane hue facial pack mein, chemical se bane hue pack jitna glow nahi aa pata hai. Lekin bazaar mein milne wale kimati facial pack mein mile rasayan pal bhar ke liye aapke saundrya ko badha de lekin kahi na kahi yeh aapki twacha ke liye haanikarak hai. Twacha ko prakritik tel (natural oil) aur nami dene ke liye natural tatv bahut hi jaroori hote hai. Aapke kitchen mein hi saundrya se related kai chije mil jayegi.

Ager aap ghar mein facial banane aur karne ja rahi hai to niche kuch steps diye gaye hai unhe follow karein-

Ghar per facial karne ke steps:-

Face ko clean karein-

Face ko clean karein-

  • Facial hamesha saaf twacha per kiya jata hai, cleansing cream ya cleansing milk se chehre ki safai karein.
  • Home facial tips for oily skin– Ager aapki skin oily hai to sabun aur gungune paani se mukh dhul le, lekin skin dry hai to cotton se faltu chiknai ko saaf ker le.
  • Ager aapki twacha sensitive hai to cleanser banane ke liye aapko jojoba oil, olive oil ya phir castor oil ka istemaal karna chahiye. Parlor ya ghar per facial kerwate samay sensitive skin ke liye jyada savdhani bartani chahiye.

Face massage karein-

Face massage karein-

Face clean karne ke baad ab aapka agla step hai face massage. Ghar per facial karte samay malish ke liye cream ka chunav karte samay apni twacha ka khyal rakhein. Yaadi aapki skin oily ya normal hai to aap simple cold cream ya all purpose cream le sakti hai. Lekin dry hone per vanishing cream ya vitamin cream ka pryog karein. Ghar per massage paste banane ke liye 2 spoon honey, 2 vitamin E ke capsule aur 2 spoon aloe vera gel milaker aap massage ke liye gel taiyar ker sakti hai.

Ab halke hathon se dabate hue massage shuru karein. Dhyan rahe ki massage hamesha dhimi gati se karein. Matlb ander se bahar ki aor aur niche se uper ki aor. Ankhon ke aas pass ki jagah bahut hi soft hoti hai parlor ya ghar per facial karte samay yaha dabav dalein bina cream lagaye. Malish 10-15 minute tak ki jaani chahiye, itne mein cream twacha mein sama jayegi. Ab chehre per extra cream bach rahi hai to cotton ki madad se saaf ker le.

Face steaming-

Face steaming-

Ghar per facial ki malish ke baad agala step hai bhaap (steaming) yani face steaming. Jisse skin ke pores khul jaate hai, aur twacha ko facepack ka poora labh milta hai. Bhaap lene ke liye chaude bartan mein ublta hua paani dalein aur ek bade towel se chehre aur bartan ko dhak le.

Aap chahe to bhaap lene wale paani mein piper mint, pudina, gulab ki pankhudiya ya gende (Marigold) ki pattiyan daal sakti hai. Steaming ke baad chehre ko achhi tarah sukha le.

Facepack-

Facepack-

Facial ka last step hai facepack.

  • Facepack aap khareed bhi sakti hai market se aur ghar per bhi taiyar ker sakti hai.
  • Ager aap market se khareeda hua facepack use ker rahi hai to usme likhe instructions ko dhyaan se padhe. Aur usi ke anusaar ghol banaker chehre per lagaye.
  • Ankhon ke niche ki jagah ko chhod ker poore face per pack laga le.
  • Ankhon per gulab jal se bhige hue fahe ko rakhker aram se late jaye.
  • Jab tak face per pack laga ho tab tak na hi smile karein, na hi baat aur jaha tak ho sake pairo ko kisi uche asthan per rakhein.
  • Parlor ya ghar per facepack kitni der laga rahe yah aapke twacha aur facepack ki quality per nirbhar (depend) karta hai. Normally pack ko 10-20 minute tak chehre per laga rahne de. Aur main baat yah hai ki pack sukh jane chahiye.
  • Ab gungune paani se face ko dhul ker cold cream ya moisturizing cream laga le.

Home remedies facepack-

Ande se-

  •  Ghar per facial banane ke liye ek ande ki jardi ko fet ker 2 spoon gulab jal aur 1 spoon honey milaker rakh dijiye. Iss pack ko aap hafte mein ek baar lagaye. yah winter season ke liye bahut achha pack hai.
  • Wrinkles wale face per, ande ki safedi ko fet ker us mein 3 spoon jau ka aata aur 1 spoon honey milaker chehre per lagaye.
  • Dry skin ke liye pack- Ek ande ki jardi, 2 spoon santre ka ras, 1/2 spoon nimbu ka ras aur kuch boond mithe badam ka tel milaker fet le. Aur isse lagbhag chehre per adha ghante tak laga rahne de.

Aloe vera gel se- 3 spoon aloe vera gel, 1 spoon chandan powder aur 1 spoon gulabjal leker mix karein. Iss pack ko chehre per lagaye aur sukhne ke baad chehra dhul le.

Soyabeen ya masoor ki dal se- 50g masoor ki daal ya soyabeen ko raat mein bhigo dijiye, aur subah chhilka nikal ker bareek pees lijiye. Ab usme thoda sa kachha doodh aur thoda sa badam rogan milaker lagane se twacha ki dryness door hoti hai.

Besan se- 1 spoon besan, 1 chutki haldi, 1/2 spoon honey, 1/2 spoon olive oil milaker lagane se shushk twacha chamkne lagti hai.

Multani mitti se- 1 spoon multani mitti, 1 spoon gulab jal ya cleansing milk milaker gadha sa paste bana lijiye. Ab chehre ka jo bhaag chikna hai waha per moti parat aur shushk bhaag per halki parat lagaye, 10-15 minute baad gungune paani se dhul le.

Kheere (cucumber) se- Kheera ko chhilker bareek pees le, phir usme thoda sa kachha doodh milaker lagane se twacha mulayam ho jati hai.

Dahi se- 1 spoon besan mein 2 spoon dahi milaker chehre per lagbhag adha ghante tak laga rahne de. Isse loo ke karan jhulsi hui twacha ko aram milta hai.

Urad ki daal– Urad ki daal ke powder mein thoda sa gulabjal, glycerin, aur badam rogan ko milaker lagane se chehre per padi hui jhaiya thik hoti hai.

Daalchini aur shahad se– Shahad aur daalchini powder ko milaker 2 ghante tak rakh de, phir iska pryog karein.

Chandan se- Chandan ghis ker us mein gulab jal ki kuch boonde milaker iss lep ko chehre per lagane se twacha ko thandak milti hai. Yadi chehre ki twacha chikni hai to iss lep mein thodi gandhak ki matra mila de.

Makhan (butter) ka lep- Garmi mein loo lagne se chehre ki twacha shushk ho gayi ho to, paani mein thoda sa makhan fet ker chehre per iss lep ko laga le.

Facial kitni baar kiya jaye ?

Parlor ya ghar mein kitni baar facial kiya jaye yah poori tarah umra (age) aur skin per nirbhar (depend) hota hai. Kishoriyon aur 25 saal ki striyon (ladies) ko (jinki twacha khushk nahi hai) mahine mein ek baar facial kafi hai. Aur sukhi twacha ke liye mahine mein 2 baar facial karwa lena chahiye. Aged ladies ko hafte mein ek baar facial karwana chahiye.

Hum asha karte hai ki aapko humare dwara bataye gaye facial steps pasand aaye hoge. Aur iss post se jude koi bhi sawal ya sujhav aapke pass ho to aap humein comment ker sakte hai. Sath  hi iss post ko like aur share karna na bhule. Iske alava aap humein facebook aur twitter per follow bhi ker sakte hai…

Thank you….

 

5 thoughts on “How to make facial at home in hindi

  • 02/02/2018 at 9:08 AM
    Permalink

    Hello
    Such a nice and really a very informative article.
    Thanks for sharing.
    Keep up the great work.

    Reply
  • 05/03/2018 at 10:39 PM
    Permalink

    wow……..
    kya post hai.. maza aa gaya padh kar.. main bhi try karungi

    Reply
    • 06/03/2018 at 12:00 PM
      Permalink

      thik hai aap try kare

      Reply
  • 19/05/2018 at 5:50 PM
    Permalink

    I love commenting on article and i use to comment regularly.this article help me to comment in a proper way thanks for sharing it!

    Reply

Leave a Reply

Your email address will not be published. Required fields are marked *