Lip care: Home remedies to keep lips beautiful (In hindi) | Family Earth

Lip care: Home remedies to keep lips beautiful (In hindi)

Lip care: Home remedies to keep lips beautiful (In hindi)Hamare body ka sabse nazuk aur soft part hai lip. Aur lips ki jayada care karne ki jaroorat hoti hai, khass ker winter season mein, kyuki iss season mein to hamari skin bhi dry ho jati hai, aur lips bhi fatane lagte hai. Sath hi lips ki softness khone lagti hai. Aur hum apne hothon ko soft and beautiful banane ke liye kai types ki lipsticks ka use kerte hai, jo hamare hothon ko black and dry bana deta hai, aur lips apni naturality bhi khone lagti hai. Lips and face ke liye vitamin E bahut important hai. Hum aapko home remedies ke kuch tips batayege jinhe follow kar ke aap bhi sunder lips pa sakti hai.

Lip care tips

  • Hothon per glycerin, ghee, malai tel jaise oily cheez lagate rahein, Aur unhe dry na rahne de.
  • Winter season mein specially lips ko dry na rahne de, na hi unhe chatein.
  • Aur raat mein sote waqt nabhi mein tel lagaye, jisse aapke hoth nahi fatege aur aapke hoth gulabi bhi rahenge. Yah ek effective ilaj hai, aap try jaroor kare.
  • Lips ke fatne aur kalapan aana ka sabse main reason yah hai ki- aap kabhi bhi expiry date ki lipstick na lagaye.
  • Hothon ke bahari taraf nimbu ke chhilke mein malai lagaker dheere – dheere hothon per male. Malai ke massage se hoth soft ho jayenge
  • Ager aap paani kam peete hai to sabse pahle effect aapke lips per hi padega, unme dryness aa jayegi aur fatane lagege.
  • Halka gunguna ghee hothon per lagane se bahut achha result milega. 
  • Allergy hone wale cosmetics ka use na kare. Aur sote time lip se lipstick remove karna na bhule.
  • Kuch ladies smoking bhi karti hai, jisse unki skin dry aue lips black aur unke teeth bhi kharab ho jate hai, to smoking ki lat se bachein.
  • Hothon per lipstick halke hanth se lagani chahiye.Jaha tak ho sake dusare ki lipstick kabhi bhi use na kare 

Note: Sote waqt lip se lipstick utarana na bhule. Doodh cleansing milk ka kam karte hai, sath hi sath wah nutrition aur moisturizing bhi deta hai. Lipstick utarne ke baad lip per ghee ya malai se massage kare, lekin halke hanthon se. Phir uske baad face ko wash ker le. Aisa karne se aapke lip hamesha sunder rahege.

Lipstick lagane ke tipsLipstick lagane ke tips

  • Lipstick ke aaj kal bahut saare sheds market mein aate hai, Kuch halke kuch dark sheds aate hai. Achhi company ke lipsticks mein moisturizer tatva paya jata hai. Jisse lips sunder lagne ke sath soft bhi rahte hai.
  • Lipstick ke color mein pink color bahut hi important hai. Yah color her age aur her type ki skin per suit karta hai. Summer season mein to yah color aur khilta hai. Iss color ko chahe din mein lagaye ya sham ko yah chehre ki sundrta ko badhata hai.
  • Lipstick lagane ke steps: Lipstick jyada der tak lagi rahe iske liye, pahle lip ko clean karein, phir ek halki layer foundation ki lagaye, aur baad mein powder halka sa lip per fere.
  • Ab lip brush se hothon per out lining kare, sabse pahle uperi lip per dhanushakar (Bow) banaye. Hothon ko band rakhein aur niche wale lip per lining kare. Nichle lip per pahle beech ki outline banaye. Phir dono aor bahari outline banaye. Ab lipstick ko hothon per lagaye. Aur dhyan rahe ki out line per lipstick ka color na chadh jaye.
  • Lipstick ko long time tak banaye rakhne ke liye tissue paper se lip ko dabaye aur phir lipstick ko dobara se apply kare

Hothon mein oily granthiya nahi payi jati hai ( lip mein apna khud ka oil nahi paya jata hai). Iss karan se hoth jaldi hi dry aur fatne lagte hai, iske bachav ke liye hume bahari oil ki jaroorat hoti hai. Specially Bahut tej thandi ya phir bahut tej garmi ke season mein moisturizer ki jaroorat padti hai. Isse bachne keliye lip balm bhi use ker sakti hai. Aur lipstick bhi moisturizing honi chahiye.

 Aapke lip ka shape bhari nahi hai to bold look dene ke liye thoda bright color choose kare, outline ke uper ek aur new outline banaye. Ager aapko apne hothon ko patala banana hai to, lip per pahle foundation lagaye. Aur internal outline kare aur dark color ki lipstick lagaye.

Different types of lipsticks sheds

Soft pink: Pink color ke lip per pink color ki lipstick lagaye, beech mein lip glass lagaker mila de.

Only lip glass: Summer season mein lip per lip glass ka hi use kare, aur liner se halki line banaye, 2 caot mein lip glass lagaye.

Soft red: Garmiyon ki sham mein aisa hi lip color lagaye.

Sheer gold: Skin color se match karti hui iss sheds ki lipstick ko halka use kare.

Bronze: Hothon ko shape dene ke liye bronze pencil se out line banaye phir ungli se bronze lipstick ko line ke ander le jaye.

Gold dusted: Ager aapke lip ptale hai to aur aapko dark lipstick nahi pasand hai to aap gold lip glass ka use ker sakti hai. Pahle halki outline lagaye phir brush se gold lipstick ka caot lagaye.

Aapko bhi lips ke liye home remedies tips apnana chahiye jisse aapke lips ki naturality bani rahegi, Aasha karte hai ki aapko iss blog ke tips pasand aaye honge, isse related koi bhi sujhav ho to aap humein comment karna na bhule. Beauty, Recipe, Health & fitness aur Fashion se related latest update ke liye hamari website familyearth.in ko padhtein rahe. Blog ko aur jyada share karne ke liye kuch sites jaise facebook twitter google+ per share ker sakte hai. Thank you..

Leave a Reply

Your email address will not be published. Required fields are marked *