Sawali twacha ka makeup | Family Earth

Sawali twacha ka makeup

Sawali twacha ka makeupSawali twacha ke naam se hum bhartiya apni sundarta mein kami mahsoos karte hai. Aur to aur kai mahilaye heen bhawana ka shikar ho jati hai. Jabki sawala salona rang adhik attractive hota hai. Aur iss baat ko beautician ki nazar se dekha jaye to har tarah ki rangat se khoobsurat hota hai. Bus aapko use sawarne ki jaroorat hai.

To chaliye hum baat karte hai ki, sawali twacha ka makeup kaise kiya jaye ? Hamesha hi yah sawal puchha jata hai. Sath hi sawale rang ki striya ko yah galatphami rahti hai ki, wah makeup se apni twacha ke rang ko gori twacha ke mukable achhe se nahi nikhar sakti hai. Apni iss heenbhawana ko door karne ke liye wah kai tarah kee beauty product try karti hai. Sawale rang mein kuch makeup tips apnaker usme nikhar laya ja sakta hai. Yaha hum aapko kuch makeup tips de rahe hai, jisse sawali twacha per badhiya makeup kiya ja sakta hai.

Sawali (dusky) twacha ke makeup tips-

  • Chehre ke daag dhabbe ko chhupane ke liye makeup foudation se pahle concealer ka use karein. Jyada concealer safed ya gulabi milte hai. Isliye concealer kharidate samay yah dhyan de ki wah aapke color mein match ker raha hai ki nahi warna dhabbe ke roop mein dikhayi dega.
  • Sawali twacha ka makeup foundation twacha se 100% matching hona chahiye, ya phir gahara shed khareed sakti hai. Ager aapne twacha se halke color ka makeup foundation istemaal kiya hai to iska rang chehre se alag nazar aayega.
  • Makeup foundation chehre ke sath gale per bhi lagaye.
  • Sawali twacha per smooth finishing dena chahiye. Foundation lagane se twcha mulayam aur sunder ho jati hai. Sawali twcha per sahi rang ke foundation ka istemaal karna chahiye kai aise foundation hote hai jo twcha ko bejaan bana dete hai.

Sawali (dusky) twacha ke makeup tips-

  • Twcha ke rang mein nikhar lane ke liye halke rang se twcha ko hightlight karein. Aise bhi foundation hai jinka base cream hota hai, unka use karein.
  • Sawali twcha per compact ke bazay Iridisent powder se makeup ko set karein.
  • Sawli twacha per copper brown aur chocolate brown ke makeup ke samano ka upyog karein. Ager aapke pass yah sab chij nahi hai to golden color mein shining powder ko natural color ke blusher mein mix karein, aur brush ki help se chehre per halka coat karein, aur finishing touch de.
  • Aur aap eyebrow pencil se eyebrow ko aakar bhi de sakti hai.
  • Kapade ke rang se match karta hua halka eyeshadow lagaye.
  • Sawali twcha ke makeup mein din ke samay highlighter ka use karein, aur evening party mein eyebrow ke niche se highlighter ka touch de.
  • Kajal ka use karein, kyuki kajal goli twcha se jyada sawali twcha per achha lagta hai. Kajal ki patali rekha ankhon per lagaye. Palako ke uper bhi pencil eyeliner se kajal ki patali rekha khiche, aur palako per 2 coat mascara lagaye.
  • Halke color ki lip pencil se lip ko aakar de. Ab halki color ki frusti lipstick ko brush ki help se hothon per lagaye.
  • Sawali twcha ko attractive banane ke liye halka shiny makeup karein.
  • Wine orange ya coral color se chehre ko blush karein. Isse sawali twcha per nikhar aayega
  • Red aur mahroon base ki lipstick ke bazay soft color ka use karein.
  • Apni dresss se macth karti hui bindi lagaye.

Sawali skin ke liye dress tips-

  • Sawali twcha ke logo ko dress halke color choose karne chahiye,- pink, sky blue, cream, light brown, aur ager red color pahnna ho to brick red ko choose karein.
  • Two piece western dress mein light brown color ke trousers ya skirts ke sath cream color ka top choose karein.
  • Mustered color ki poori dress ya phir mustered ke sath white ya brick red ka match bhi sawale skin per achha lagega.
  • Slik halke color ka salwar suit ke sath golden color ka fegrative print design wala bhari duptta se look achha dega.
  • Cotten ki halke color ki salwar suit ke sath thode gahre color ki matching ek color ki lace wali chunni sawali colo ko suit karegi.
  • Sawale rang wale per nila, hara, pila kam achha lagta hai, in sab color ko avoid karein.
  • Sadiyon mein chamakdar na chunker matte finishing color chune aur satton silk ke bazay pure silk ki sadiya sawli skin per achhi lagegi.
  • Bhari border wali sadiya sabhi per achhi lagti hai bus itna dhyan dena hai ki base halka aur border gahre color mein ho.
  • Kisi khass occasion per chamakdar golden jari saree ke bazay copper golden jari ya phir greis silver jari ki saree khareede. Dhang se pahni gayi har dress personality ko nikharti hai.

Sawali skin ke liye jewelry tips-

  • Sone ke gahno per tambe jaise polish karwne per halki lali wale gahne sawali rangat per achhe lagte hai.
  • Sawali rangat per chandi ke gahne kam achhe lagte hai, ager chandi ke gahno ka sauk  hai to oxidized chandi ke gahne pahne.  
 Umeed hai ki aapko yah tips jaroor pasand aaye hoge. Iss post se jude sawal aur sujhav ko aap humein comment mein bataye. Aur aapko yah post achhi lagi ho to like aur share karna na bhule. Yeh sabhi updates facebook ke page per bhi milegi sath hi aap humein facebook aur twitter per follow bhi ker sakte hai…

Leave a Reply

Your email address will not be published. Required fields are marked *