Tomato upma recipe (In hindi) | Family Earth

Tomato rava upma recipe (In hindi)

Tomato rava upma recipe (In hindi)Ager aap nashte ke liye kuch naya banana chahti hai to, tomato upma jaroor bnaye. Yah healthy breakfast mana jata hai. Tmater dalne ke baad upma ka swad aur badh jata hai. Sath hi yah banane mein bhi asan hai. Iss busy life mein aap kam samay mein ek healthy food apne baccho ke liye taiyar ker sakti hai. To chaliye jante hai kaise banaya jata hai tomato umpa recipe in hindi…

Samagri :-

  • 1- cup suji.
  • 2 -tamater bareek kate hue.
  • 1- pyaaz bareek kati hui.
  • 1- hari mirch bareek kati hui.
  • Ghee ya tel.
  • 1- tsp rai.
  • 1- sukhi lal mirch (beech se tod de).
  • 6- kari patta.
  • 1/4- tsp heeng.
  • Namak (swadanusar).
  • Paani garam.
  • 1/2- tsp lal mirch powder.
  • 1/4- tsp haldi powder.
  • 1/2- nimbu ka ras.

Garnish ke liye –

  • 2- tbs tel.
  • 1- tbs hari mirch (bareek kati hui).
  • 1/2- tsp jira.
  • Thoda sa hara dhaniya

Tomato upma banane ki vidhi (In hindi) –

Tamater upma banane ke liye sabse pahle kadhahi le usme suji dalein, halka golden brown hone tak seke. Sekne ke baad alag rakh de. Ab kadhahi mein tel ya ghee garam karein. Iss mein rai, lal mirch, heeng, kari patta dalein 30 seconds tak pakne de. Ab iss mein pyaaz aur hari mirch dalein pyaaz ko naram hone tak pakaye. Ab iss mein tamater dalein, tamater naram hone tak pakaye. Tamater ke pakne ke baad iss mein lal mirch powder, haldi powder, namak, nimbu ka ras dalein aur 3-5 minute tak paka le. Ab iss mein suji aur garam paani dalein. Aur sath hi milate rahe taki usme ganth na pade, 5-8 minute tak pakaye. Ab gass band ker de. Ab upma ki garnishing ke liye tel garam karein, ab iss mein jira aur hari mirch chatkaye, uper se upma per tadka lagaye hari dhaniya ki patti se sajaye. Ab garama garam serve karein.

Tomato upma ko nariyal ki chatani aur filter coffee ke sath sbah ke nashte ke liye parose (serve) karein.

Umeed hai ki aapko hamari yah recipe jaroor pasand aayi hogi. To aap bhi tomato upma healthy breakfast apne ghar mein banaye. Sath hi iss post ko like aur share karna na bhule. Aap humein facebook aur twitter per follow bhi ker sakte hai. Familyearth.in ki sabhi updates ko facebook per bhi padh sakti hai.

 

Leave a Reply

Your email address will not be published. Required fields are marked *