Tomato sauce banane ki vidhi tips in hindi | Family Earth

Tomato sauce banane ki vidhi tips in hindi

Tomato sauce: Tomato sauce aaj kal bacche ho ya bade ye sabko bahut pasand aata hai. Tomato sauce, ketchup aise word hai jo ab to daily khanpan mein use hone lage hai. Pahle to ye bread ke sath hi sauce liye jaate the lekin ab to burger, chowmein, pizza, pasta chilla, parathe, kachori, pakodi, peties samose ke sath use karte hai. Tomato sauce ke sath inka taste dugna ho jata hai. 2-3 din mein sauce hume lani padti hai, lekin market se layi gayi sauce se hume dar lagta hai ki is mein pata nahi kya mila hoga. Isilye hum aapke liye tomato sauce banane ki vidhi tips in hindi mein batayenge ki kaise aap tasty sauce ko aap apne ghar mein bana sakti hai. Sauce ko badi asani se ghar per bana sakte hai. Jo 100% pure and tasty hoga. Jis mein aap ko jyada kharch bhi nahi karna padega. Aiye hum batate hai sauce banane ki vidhi.

Tomato sauce banane ki vidhi tips in hindi

 

Sauce banane ki samagri

  • Lal tamater – 2 kg.
  • Chini – 150g.
  • Badi pyaz -1 peesi hui.
  • Lahsun – 4-5 kali.
  • Adarkh – 2 inch.
  • Lal mirch – 2 chamach.
  • Namak – 4 chamach.
  • Garam masala – 2 chamach.
  • Tej patta – 3-4 patte.
  • sirka -10 ml.
  • Sodium benzoat – 1g.

Tomato sauce banane ke vidhi

Fresh pulp wale tamater leker use 4 pees mein kat le. Pyaaz ko bareek kat le. Adarakh ko chhilker kat le. Lahsun chhilker thoda koot le. Mota peesa hua garam masala, aur bareek kata hua pyaaz, adarakh aur lahsun ko malmal ke kapade mein bandhker potali bana le. Ab kate tamater ko bartan mein dalker pakaye, ek ubal aane ke baad dheemi anch mein pakaye. Tomato ke pulp ko hand grinder se pees ker chhan le. Chhane hue tamater pulp ko gass per chadha de. Ab is mein garam masale wali potali aur lal mirch powder aur tej patta dal ker pakaye. Thoda ublne ke baad namak aur chini milaye. Sauce ko gadhi hone tak paka le, gadhi hone ke baad garam masale wali potali aur tejpatta bahar nikal le. Gadha pan check karne ke liye plate test kare.

Sauce ka gadhapan check karne ke liye plate test

  • Ek plate mein thodi sauce nikale jab uske bagal paani aa jaye to jaan le ki yah abhi nahi paka hai, phir se pakne ke liye rakhe, phir thodi der baad check kare jab us mein paani na aaye to matlab sauce pak gaya hai
  • Sauce ko puri tarah thanda hone de, sodium benzoate garam sauce mein nahi milana chahiye.
  • Sodium benzoate¬† ko milane ke liye katori mein thoda sauce le aur us mein sodium benzoate ko mila de, phir ise puri sauce mein mila de.
  • Ab is mein 2 chamach siraka mila de.
  • Bottel bhar ker air tight ker ke rakhe.

Tomato sauce ready hai, aap ise pure saal tak rakh sakti hai

Tomato sauce banate time dhyan dene wali baate

  • Tamater jyada gude wale kam paani wale achhe hote hai.
  • Tamater ko ubalne ke liye paani bilkul na dale, sirf tamater kat ker daal de.
  • Garam masala taja aur mota koota hone se khushbu achhi aati hai. Garam masale mein laung, elaychi chhoti, badi, aur jeera, daalchini, javitri, laung ka uper gola wala bhag hataker kam mein le.
  • Aap chahe to bina pyaaz aur lahsun ke bina bhi bana sakte hai.
  • Isko bharne ke liye kanch ki bottel ka use kare.
  • Sauce ko bharne se pahle bottel ko achhi tarah dho le.
  • Garam masala ki potali safed cotten ke malmal kapade mein honi chahiye. colorful kapade se uska color nikal sakta¬†

Ager aapko hamari ye recipe pasand aayi ho to, apne sawal sujhav ke liye comment karna na bhule.

Leave a Reply

Your email address will not be published. Required fields are marked *