Vegetable khichdi recipe in hindi | Family Earth

Vegetable khichdi recipe in hindi

Vegetable khichdi recipe in hindi

Dosto maker sankranti aa gayi hai. Iss tyohar mein sabhi log kai prakar ke laddu apne gharo mein banate hai. Maker sankranti ko log khichdi ke naam se bhi jante hai. Iss din sabhi apne gharo mein khichdi banate hai. Khichdi jaldi pachne wala sada khana hai. Khichdi kai prakar se banai jati hai. Khichdi mein dal aur chawal mix ker ke bhi banate hai, jisko log sadi khichdi ke naam se jante hai. Lekin ager khichadi mein sabjiya dal ker banaye to yah khichadi bahut hi tasty banegi. Aur yah pahle se aur jyada paustik ho jati hai. Isko banana bahut asan hai. To chaliye jante hai Vegetable khichdi recipe in hindi…..

Samagri:

  • Chawal – 1 katori.
  • Moong ki dal 1/2 katori.
  • Aloo -2 (kate hue).
  • Shimla mirch – 1(chhote tukado mein kati hui).
  • Matar 1/2 katori.
  • Hari mirch – 2 (bareek kati hui).
  • Adarkh – 1 inch(lamba tukda).
  • Deshi ghee 1 ya 2 spoon.
  • Heeng1-2 pinch.
  • Jeera 1/2 tsp.
  • Kali mirch – 4-6 (dardari kooti hui).
  • Laung-4.Haldi- 1/6 tsp.
  • Namak – swadanusar.
  • Hara dhaniya – 1 table spoon.

Vidhi :

Chawal aur dal ko saaf karein, aur achhi tarah dhoker 1 ghante ke liye paani mein bhigoker rakh de. Phir saari sabjiyon ko dhokar kat lijiye. Ab cooker mein ghee dalker garam kare, phir garam ghee medin heeng aur jeera dalein. Jeera brown hone ke baad kali mirch, laung, haldi powder, hari mirch, adrakh dal de 3-4 baar chamach se chalaye, ab iss masale mein saari sabjiya dal de. Sabjio ko 2-3 minute tak chamach se chlaker bhuniye. Ab dal aur chawal dal de 2-3 minute tak bhune. Jis katori se aapne dal chawal nape hai, usi se napker 5 guna paani dal dijiye. Sath hi apne hisaab se namak daal dijiye. Ab cooker band ker dijiye jaise hi seetee aaye gass band ker dijiye. Phir chamche ki help se adhi seetee nikal dijiye, 4-5 minute baad jab cooker ka pressure khatam ho jaye. to cooker kholiye aapki vegetable moong dal khichdi ready hai.

Khichdi ko bade bowl mein nikal le aur uske uper kati hui daniya dalein, Garma garam veg khichadi mein butter dalker karein. Sath mein dahi achar, hari dhaniya ki chatni bhi rakhein.

Note: Ager aapko pyaaz khana pasand hai to pyaaz bareek kat le, jab jeera bhune to uske baad pyaaz dalein aur halki brown hone tak bhune. Iske baad diye gaye tarike se khichdi bana le. Khichadi mein aap apne manpasand ke anusaar sabjiya mila sakti hai. 

Asha karte hai aapko hamari veg khichdi jaroor pasand aayi hogi. Iss maker sankranti veg khichdi banaker aap bhi apne ghar walo ko khilaye. Aur aapke pass khichdi se jude aur koi idea ya sujhav ho to aap humein comment mein bataye. Iss post ko aur jyada aage badhane ke liye aap share bhi ker sakte hai. Sath hi yah latest update aapko facebook ke page familyearth.in per bhi milegi. Iske alava facebook aur twitter per follow bhi ker sakte hai. 

Thank you…..

 

4 thoughts on “Vegetable khichdi recipe in hindi

Leave a Reply

Your email address will not be published. Required fields are marked *