Winter season : How to care of dry skin (In hindi) | Family Earth

Winter season : How to care of dry skin (In hindi)

Winter season : How to care for skin (In hindi)Winter season is very lovely weather. Lekin winter season aate hi skin problem bhi hone lagti hai. Season Effect her type ki skin per padta hai, chahe skin oily ho ya dry. Aaj iss post mein batayege ki aap kaise skin care ker sakti hai. Thandiyon mein jo hawaye chalt hai usse hamari skin dry hone lagti hai. Aur oily Glands ki activity kam ho jati hai. Jisse skin per aur hanth  pair mein dryness feel hoti hai. Sahi dekhbhal na karne per skin per aayi dryness wrinkles mein change ho jate hai. Moisturizer ki kami se lips bhi fatane lagte hai. Lips ki care karna bhi jaroori hai kyuki lips mein oily glands nahi paye jate hai.

Dry skin care tips: In winter

  • Skin ko dry hone se bachane ke liye kuch tips hai jisko aap apnaker skin ko soft bana sakti hai.Thandi mein sabun se face ko na dhule. Isse chehre ki dryness badh jati hai.
  • Skin ko clean karne ke liye moisturizer ka use din mein 2 baar kare, aur moisturizer wale soap ya face-wash se chehra dhul le. Moisturizer soap se skin ko softness milti hai.
  • Face dhulne ke baad branded company ki under eye cream ka use kare. Winter mein eye jell ke bazay under eye cream hi use kare. Kyuki ankhon ke chaaro taraf ki skin bahut hi najuk hoti hai.
  • Chehre aur neck per koi cream ya moisturizer lagaye.
  • Lips ke liye lip balm ka use kare, aur ab to market mein moisturizer wali lipsticks bhi milti hai aap usko bhi use ker sakti hai. winter season mein lip ka fatna common hai. Isiliye aap in cheezo ko use karke lips ko soft bana sakti hai..
  • Raat ko sone se pahle almond oil, cream ya phir nourishing cream se face massage kare, yah all types ki skin ke liye jaroori hai.
  • Raat mein sone se pahle coconut oil se pair aur hanth ke khule jagah per massage kare.
  • Thandi mein poore body mein dryness aa jati hai, isse bachne ke liye nahate waqt paani mein 2 spoon glycerin ya kuch boondein nariyal tel ki daalein. isse skin dry hone se bachegi.
  • Nhane ke baad koi achha body lotion hanth pair mein lagaye. In dino powder ka use na kare.
  • Thandi ke season mein sabhi dhoop lete hai, aur isse vitamin D ki kami bhi puri ho jati hai. Sun se nikalne wali UV kirane jo skin ko nuksaan phuchati hai, aur skin dry aur sawali pad jati hai.
  • In dino pyass kam lagti hai lekin 6-8 glass paani pina chahiye isse skin ki nami bani rahegi.
  • Fruit aur hari sabjio ka sevan khane mein jaroor kare. Aap soup salad ke roop mein sabjio ka sevan ker sakti hai. Gazer ka juice to skin ke liye bahut hi faydemand hai.
  • Dry fruits aur moongfali ke use se aapki skin mein shining bani rahegi.

Skin care tips: In winter

Skin care tips: In winter

Is season mein skin ki dekhbhal karna jaroori hai. Kuch gharelu facepack ke tips humne aapko niche ki line mein bataya hai, in face packs ko use kerke skin ko soft bana sakti hai. Aur yah face pack simply ghar mein bana sakte hai. sath hi yah pack all types skin ke liye hai.

 

 

  • 1 spoon besan, 1/2 spoon haldi, 1 spoon malai mein kuch boonde almond oil ki dalein aur doodh mein milaker gadha paste bana le. Face ko saaf kerke lagaye phir 20 minute baad dhul le.
  • 1 spoon oatmeal, kuch boond nimbu ke ras ki aur 3 spoon doodh me milaker gadha paste bana le. Face aur neck per lagaye aur 20 minute baad dhul de.
  • 1 spoon ande ki zardi, 1 spoon milk powder, 1 spoon suji, 1 spoon honey aur dahi milaker gadha paste bana le phir chehre per lagaye sukhne ke baad mal ker dho le.
  • Orange ke peels ko sukhaker uska powder bana le. 2 spoon powder mein malai ya dahi milaker chehre per lagaye aur sukhne per dhul de.
  • 1 spoon honey mein 1 spoon milk dalker milaye. Aur achhi tarah se neck aur face per lagaye sukhne per dhul de.
  • 1 spoon oatmeal, 1 ande ki zardi, 1 spoon olive oil le isse achhi mtarah se fetein. Chehre per lagaker sukhaye phir dho le. Ager aapki skin adhik dry ho to facepack lagane se pahle almond oil ki kuch boonde laga le.
  • Facepack lagane ke baad moisturizer lagana na bhule.

Hand beauty tips: In winterHand beauty tips: In hindi

Thandi ki hawaye jyada nuksaan phuchati hai hathon ko. Kpade dhulne wale soap se bhi hath fatane lagte hai. Lekin sahi dekhbhal se hanthon ko soft banaye ja sakta hai. Hum aapko kuch tips de rahe hai aap unhe follow kerke hathon ko komal bana sakti hai.

  • Raat ko sone se pahle Baby oil se daily massage kare.
  • 2 spoon oilve oil mein 1 spoon nimbu ka ras milaye. Aur mishran se hathon ki achhi tarah malish kare. 1 chamach dahi lagaker hathon per chhod de, phir gungune paani se hath dhul le.
  • Sote time hath mein Vaseline lagane se skin soft rahti hai.
  • Hathon ko thande paani se dhule phir us per choker ragde aur kuch der baad hath dho le. isse bhi hathon ki skin soft rahegi.
  • 2 chamach santare ke ras mein 2 chamach honey milaye phir hath per lagaker 20 minute ke liye chhhod de, phir gungune paani se hanth dhul le.
  • Nimbu ke ras aur tamater ke pulp ko saman matra mein le aur is mein kuch boonde glycerin ki milaye aur is mishran ko hath per male. 15-20 minute ke baad hath dhul le aapke hath mein nikhar aa jayega.

Winter season mein skin ki care karna thoda difficult hota hai. Isiliye aaj humne iss post mein aapko kuch gharelu aur simple tips diye hai inhe aap fallow kerke aap bhi apni skin ko soft aur shiny bana sakti hai. Hathon ko bhi rukhe hone se bacha sakti hai. Aur aapko hamare ye tips pasand aaye ho to isse share karna na bhule. Sath hi iss blog se related koi bhi sujhav ho to comment box mein jaroor batayein. Iss tarah ki latest update ke liye hamari website  Familyearth.in padhte rahe. Thank you…..     

2 thoughts on “Winter season : How to care of dry skin (In hindi)

Leave a Reply

Your email address will not be published. Required fields are marked *