Woolens clothes care tips in hindi | Family Earth

Woolens clothes care tips in hindi

Ab winter season aa gaya hai. Aap apne woolen wale kapade nikal rahi hongi. Sabse main baat hoti hai ki iski  dekhbhal kaise kare. Apke woolen wale kapade kaise soft and smooth dikhe aiye hum aapko apne is article woolen clothes care tips in hindi mein batane ja rahe hai. Hum yaha apko kuch tips batayenge ki woolens kapade ki dekhbhal  kaise kare.

Woolens clothes care tips in hindi

  • Wollens kapade ko dhulate time kya savdhani bartani chahiye.
  • Ager apke sweater mein daag pad gaya hai to use kaise remove kare.
  • Woolens kapado ko press karte time kis baato ka dhyaan dena chahiye.
  • Ager sweater, ya woolens, ki koi bhi cheez sikud jaye to kya karna chahiye.
  • Woolens kapado ko kaise store kiya jay ki inko agle saal bhi achhe se pahan sake.

Woolens kapado ko dhulate time kya savdhani barte

  • Woolens kapade ko hamesha halke gungune paani se dhule, tabhi ye long time tak chal sakte hai.
  • Kuch woolens ko hantho se dhula jaata hai, kuch ko dry clean karana padta hai
  • Woolens kapade ko hamesha mild detergent se dhulna chahiye, inke use se woolens kapade ko damage hone ka dar nahi rahta hai.
  • Sweater ko kabhi latka ker na sukhaye, bulki inhe plain jagah rakh ker sukhaye jisse sweater ka shape kharab nahi hoga.
  • Sweater ko hamesha halke hantho se nichode.
  • Sukhne ke baad inke reshe ko jhade, Woolen ke sweater, blanket, sholl, jacket, hamesha dry clean karane ki jaroorat hoti hai. Inhe kabhi bhi ghar per dhulne ki galti na kare inko jyada care ki jaroorat hoti hai.
  • Woolnes kapade ko pahanne ke baad brush se jhad ker rakhe, nahi to gande ho jayenge.
  • Woolens wale kapade hamesha ulta ker ke dhule aur sukhaye.
  • Jab sweater last baar khangale to us samay paani mein kuch boond glycerin ki daale, jisse sweater ki chamak bani rahegi.

Ager aapke sweater mein daag pad gaye hai to kaise remove kare

  • Woolens kapade mein pen ya pencil ke daag lag jaye to, alcohol aur safed siraka baraber matra mein milaye aur use daag wali jagah per laga de aur thodi der ke liye rakh de, phir halke hantho se male daag nikal jayenge.
  • Ink ke daag lag jane per spirit mein ek kapada bhigoker daag wali jagah per lagaye, phir thande paani se dhul le , daag saaf ho jayenge.
  • Ager kapade mein tea ka daag lag jaye to gungune paani mein spirit daal ker dhule.

Woolens kapade press karte time kis baato ka dhyaan dena chahiye

  • Woolens kapade press karte time steam iron ka use karna chahiye.
  • Press se puri tarah kapade sukhane ki na soche.
  • Kapade ko hamesha ulte taraf se press karna chahiye.
  • Jab bhi samane ki taraf press kare to uske uper cotten ka kapada bichha de.
  • Press ko aage pichhe ghumane ke bazay sirf kapade per rakh ker utha le, isse sweater kharab nahi hoge.
  • Geele aur nami wale kapade per iron na kare isse kapade ki chamak chali jati hai.

Ager sweater ya woolen ka kapada sikud jaye to kya kare

Jab sweater per garam paani padta hai to wah sikud jata hai, aisa is liye hota hai kyu ki sweater ke reshe garam paani se apas mein ulajh jaate hai. Use thik karne ke liye halke gungune paani mein mild detergent dalker 10 minute tak chhod de, phir saaf kare to sweater sahi shape mein aa jayega. Ager ulajhe hue reshe per khatta dahi male to reshe sulajh jayege.

Woolen kapade ko kaise store kare

  • Woolen kapade ko jis almari ya box mein rakh rahe hai to use achhe se saaf ker le. Box mein sukhi neem ki pattiya bichha de aur uske uper se paper bichha de taki nami se  kapade kharab na ho.
  • Jab bhi sweater rakhe malmal ke kapade mein lapet ker rakhe.
  • Naphthalene ki goliya rakhe unhe chhoti – chhoti potali bana ker rakhe. Unhe box ke charo kone mein daal de.
  • Jab bhi almari mein kapade rakhe us mein sabun ke kuch rapper bhi rakh de jisse kapade safe rahege.
  • Laung ke bhi chhote – chhote pouch woolen kapado ke beech rakhe.
  • Thode – thode time per woolen kapado mein dhoop dikhate rahe.
  • Kapado achhe se fold ker ke dryer ya bag mein rakhe.
  • Kapado ko lambe time tak rakhne ke liye usko dhulna jaroori hai, nahi to usme kide lagne ka dar rahta hai.

Ager aap ko humare ye tips pasand aaya ho to, apne sawal aur sujhav ke liye aap hume comment karna na bhule.

Leave a Reply

Your email address will not be published. Required fields are marked *